Lefsebaking. Foto Norsk tradisjonsmat

Matkurs hausten 2021

Dette er kurs som er opne for alle interesserte, og som enkeltpersonar kan melde seg på.

For alle kursa vil det vere eit måltid inkludert i kursavgifta og de får produkt med dykk heim. Kursa vert haldne berre dersom det er mange nok deltakarar.

Om de er ei gruppe som ynskjer kurs, tek de kontakt på telefon eller e-post for å avtale tidspunkt for eit eige kurs.

For meir informasjon eller påmelding, ring 951 46 531 eller send ein e-post til kari@fjordamattunet.no. Du kan også bruke påmeldingsskjemaet nedst på denne sida.

Konservering

Kurs i konservering

Onsdag 6. oktober kl. 17.30 – 22.00

Det vert litt teori om ulike konserveringsmetodar, reingjering av utstyr, kva vi skal lage på kurset og kva utstyr vi treng.

Hermetisering av plommer/eple/pære med ulike smakstilsetjingar. Sylting av frukt og bær og rå og kokt rabarbrasaft. Sursylting av graskar og raudbetar.

Kursavgifta er kr. 650 per person. Det inkluderer kurs med oppskriftshefte, måltid og råvarene de treng til praktisk arbeid. Produkta de lagar får de med dykk heim.

Påmelding innan 29 september 2021

Kari steiker svelekaker

Hellebakstkurs/kake på helle

Onsdag 20. oktober kl. 17.30-22.00

De får lære å lage natronkake, potetkake/lefse, mørlefse og svelekake med kling.

Kursavgifta er kr. 600 per person. Det inkluderer kurs med oppskriftshefte, måltid inkludert heimelaga råsaft og kaffi og produkt med dykk heim.

Påmelding innan 12. oktober 2021

Flatbrød. Foto Norsk tradisjonsmat

Flatbrød og fiskelefse

Tysdag 26. oktober kl. 17.30-22.00

De får lære å lage deig, trene på å kjevle og lære kva steiking som passar ulike produkt. De får det de lagar med dykk heim.

Kursavgifta er kr. 650 per person. Det inkluderer kurs med oppskriftshefte, måltid inkludert heimelaga råsaft og kaffi og produkt med dykk heim.

Påmelding innan 18. oktober 2021

Heildags bakekurs

Bakekurs – gjærbakst

Tysdag 2. november kl. 17.30 – 22.00

De får lære å lage brøddeig, heving og forming. Vi lagar óg kanelknutar som vi har til kaffien. Det vi ikkje et opp får de med til dei som er heime. Brøda som de lagar får de med dykk heim.

Alle oppskriftene er tilpassa vanleg steikeomn, så kunnskapen kan de bruke heime.

Kursavgifta er kr. 600 per person. Det inkluderer kurs med oppskriftshefte, måltid inkludert drikke og produkt med dykk heim.

Påmelding innan 26. oktober 2021

Lefse

Lefsekurs

Laurdag 27. november kl. 11-16

De får lære å lage deig og glatte runde emne, og trening i å kjevle ut leivane. Det å steike lefsene passeleg og pakke dei inn så dei held seg mjuke til dei skal smørjast, er noko av det viktigaste. Etter eit felles måltid lagar vi kling og smør lefsene.

Kursavgifta er kr. 750 per person. Det inkluderer kurs med oppskriftshefte, måltid inkludert heimelaga råsaft og kaffi og ferdige lefser med dykk heim.

Påmelding innan 19. november 2021

Pølsekurs

Pølsekurs
(dampepølse og spekepølse)

Laurdag 4. desember kl. 11-16

Kursavgifta er kr. 700 per person + råvarekostnad, der prisen avhenger av om de har med råvare (hjortekjøt/lammekjøt/storfekjøt) eller ikkje. De må gjerne ha med eige kjøt om de har, spesielt gjeld det hjortekjøt om de ynskjer det i pølsene.

Kursavgifta inkluderer kurs med bruk av alt utstyr, oppskriftshefte, måltid inkludert heimelaga råsaft og kaffi og produkta de lagar med dykk heim.

Påmelding innan 26. november 2021

Julepålegg

Julepålegg

Onsdag 8. desember kl. 17.30 – 22.00

De får lage sylteflesk og lammerull eller sylterull (av gris). Kva den enkelte vil lage vert avtalt med dei som melder seg på.

Kursavgifta er kr. 700 per person + råvarekostnad.

Det inkluderer kurs med oppskriftshefte, måltid inkludert heimelaga råsaft og kaffi og ei form med sylteflesk og ein rull med dykk heim.

Påmelding innan 2. desember 2021

Påmeldingsskjema

+47 951 46 531

Fjordamattunet
Dalevegen 71
6847 Vassenden