Matkurs hausten 2024
Dette er kurs som er opne for alle interesserte, og som enkeltpersonar kan melde seg på.
For alle kursa vil det vere eit måltid inkludert i kursavgifta og de får produkt med dykk heim. Kursa vert haldne berre dersom det er mange nok deltakarar.
Om de er ei gruppe som ynskjer kurs, tek de kontakt på telefon eller e-post for å avtale tidspunkt for eit eige kurs.
For meir informasjon eller påmelding, ring 951 46 531 eller send ein e-post til kari@fjordamattunet.no. Du kan også bruke påmeldingsskjemaet nedst på denne sida.
Kurs i konservering
Onsdag 2. oktober kl. 17.30 – 22.00
Litt teori om ulike konserveringsmetodar, reingjering av utstyr og kva utstyr ein treng.
Hermetisering av frukt med ulike smakstilsetjingar. Sylting av frukt og bær og rå og kokt rabarbrasaft. Sursylting av graskar og raudbetar m/raudløk. De vil og få smake på ulike produkt som heggebærlikør, rognebærsnaps og hyllbærsaft og får med oppskrifter på dette.
Kurspris: Kursavgifta er kr. 750,-. Det inkluderer kurs med oppskriftshefte, måltid og råvarene de treng til praktisk arbeid. Produkta de lagar får de med dykk heim.
Lefsekurs
Onsdag 13. november kl. 17.30-ca. 22.00 (FULLT)
Laurdag 16. november kl. 11.00-ca. 16.00 (FULLT)
De får lære å lage deig og glatte runde emne, og trening i å kjevle ut leivane. Det å steike lefsene passeleg og pakke dei inn så dei held seg mjuke til dei skal smørjast, er noko av det viktigaste. Etter eit felles måltid lagar vi kling og smør lefsene.
Kursavgifta er kr. 750 per person. Det inkluderer kurs med oppskriftshefte, måltid inkludert heimelaga råsaft og kaffi og ferdige lefser med dykk heim.
Hellebakstkurs/kake på helle
Onsdag 20. november kl. 17.30-22.00 (FULLT)
De får lære å lage natronkake, potetkake/lefse, mørlefse og svelekake med kling.
Kursavgifta er kr. 600 per person. Det inkluderer kurs med oppskriftshefte, måltid inkludert heimelaga råsaft og kaffi og produkt med dykk heim.
Pølsekurs
(dampepølse og spekepølse)
Onsdag 27. november kl. 17.30-ca. 22.00 (FULLT)
Kursavgifta er kr. 700 per person + råvarekostnad, der prisen avhenger av om de har med råvare (hjortekjøt/lammekjøt/storfekjøt) eller ikkje. De må gjerne ha med eige kjøt om de har, spesielt gjeld det hjortekjøt om de ynskjer det i pølsene.
Kursavgifta inkluderer kurs med bruk av alt utstyr, oppskriftshefte, måltid inkludert heimelaga råsaft og kaffi og produkta de lagar med dykk heim.
Julepålegg
Onsdag 4. desember kl. 17.30-22.00
De får lage sylteflesk og lammerull eller sylterull (av gris). Kva den enkelte vil lage vert avtalt med dei som melder seg på.
Kursavgifta er kr. 700 per person + råvarekostnad.
Det inkluderer kurs med oppskriftshefte, måltid inkludert heimelaga råsaft og kaffi og ei form med sylteflesk og ein rull med dykk heim.
Påmeldingsskjema
+47 951 46 531
Fjordamattunet
Dalevegen 71
6847 Vassenden
